kuhu1
1.
-na -ngia -nga -tanga
[Tūmatauenga] mahw, ing, āhua .
Ka mahi kia uru atu, kia noho atu rānei tētahi mea ki roto i tētahi atu hanga.
Me kuhu tō ringa ki roto i te paipa, ka tango mai i te mea e aukati ana i te rere o te wai.
Kotahi te kōhao o te ngira e kuhuna ai te miro mā, te miro pango, me te miro whero. (NP 1507)
Hei ētahi wā anō hoki kua kuhuna he kōrero hei whakakata i ngā kaiwhakarongo. (PR 64)
{
kokomo 1 , komo , kōkuhu , puru 1 (4
) , whakauru }
2.
-na, -ngia -nga, -tanga
[Rūaumoko] mahw, ing, āhua .
Ka whai kia kore tētahi mea e kitea.
Ka kuhuna ana hū hou ki raro i te moenga kia kore ai tana hoa e pātai mai e hia te utu.
huna
(1)
3.
-na -ngia -nga -tanga
[Tūmatauenga] mahw, ing, āhua .
Ka puru atu i ngā ringa, i ngā waewae rānei (ki te kākahu, ki ngā hū rānei), kia mau ai.
Kuhuna tō koti - kei te makariri a waho.
Ka kuhu te koroua i tana tarau, ka whakamau ai i te tātua.
Me kuhu ō hū ki te hiahia tākaro koe ki waho.
{
komo }
4.
-na, -ngia -nga, -tanga
[Tāwhirimātea] mahp, ing, mahw, āhua .
Ka haere ki roto.
Ka kuhu atu ia, kite tonu atu i ngā whakaahua o ana tūpuna e iri mai rā i te tuarongo.
uru
2
(1)
5.
[Tāne] ing .
He rūma, he whare, he whakaruruhau rānei ki reira tunua ai te kai.
Kua rerekē katoa ngā kuhu o ēnei rā - kua waiho mā te hiko, mā te kapuni e tunu ngā kai - hei aha te ahi.
kāuta
