karihi1
1.
[Tāne] ing .
Te kākano mārō kei te pokapū o ētahi momo huarākau.
He karihi anō tō te paramu, te pītiti me te āperekoti. (Ruka)
{
anga 2 (5
) , iwi , nape 2 , nganga , whatu 1 (2
) }
2.
[Tangaroa] ing .
He kōhatu ka purua atu ki te kōpua i te taha whakararo o te kaharoa kia noho tonu ai tērā pito ki raro i te wai.
Kua oti ngā kupenga rā te tātai, piri atu anō ngā karihi. (W 101)
3.
[Papatūānuku] ing .
Ngā taihemahema whakawaho o te wahine.
Ko te maro te tino pūweru o nehe hei huna i te karihi o te wahine, i te ure o te tāne.
aroaro
(3)
4.
[Tāne] ing .
Ngā repe e rua o te tāne, o te toa rānei o ngā kararehe whāngote, koia te wāhi e mahia ai te tātea.
I pokaina ngā karihi o te tāriana e te rata kararehe.
raho
1
(1)
5.
[Tāne] ing .
Te pūtake o ngā pakitara o te whare.
Ka oti ngā pakitara, ka uhia te karihi ki te pōitoito.
{
karuhi }
6.
[Tāne] ing .
Ngā hanga mārō i te waha e taea ai te ngau, te ngaungau.
Ka tangoa katoahia ngā karihi ka mahia mai he niho tūpāpaku mōna.
niho
(1)
karihi tupu
[Tāne] ing .
He niho hou.
Nā te kuia tonu o te pēpē te pūniho i tapahi ki tana matikuku kia puta mai ai te karihi tupu. (Ruka)
7.
[Tāne] ing .
Te wāhanga āhua porohita o te pūtau tipu, te pūtau kararehe rānei e noho mai ai te pītauira.
Mā te karu whārahi hiko e āta kitea ai te karihi o te pūtau.
8.
[Ranginui] ing .
Te pokapū o te ngota e noho mai ai ngā iraoho me ngā iramoe, e amiotia ana e ngā irahiko.
He tino ririki te karihi engari he whana tōrunga tōna.
9.
-tia -tanga
[Tangaroa] mahw, ing, āhua .
Ka whakamau atu i ngā kōhatu whakatotohu i te kupenga.
Ka tukua mai te karere ki taua tangata ki te karihi i tana kupenga. (W 101)
10.
-tia -tanga
[Tāne] mahw, ing, āhua .
Ka ngau (i te kai mārō, i te kai kōtihetihe) ki ngā niho e pakē ai i te ngaunga.
E karihi ana ia i tana āporo, me te rongo atu a te katoa!
karihi te niho
[Tūmatauenga] kīw .
Ka patu i te hoariri kia hinga.
Ko Tūwhakairikawa, nāna i karihi te niho o Taranaki . . . Ka karihitia anō te niho o Taranaki; ka hinga tana parekura ko Ngāngutumaioro. (W 101)
11.
-tanga
[Tāne] mahp, ing, āhua .
Ka tere, ka poto anō te titiro atu (ki tētahi mea).
Ka karihi ngā kamo ki muri, āe rānei e arumia ana ia e te tangata rā?
karapa
(3)
12.
[Ranginui] āhua .
E pā ana ki te pokapū o te ngota me ōna āhuatanga, ki te pūngao rānei ka hua ake ina wehea te karihi o te ngota, ina honoa rānei ki te karihi o tētahi atu ngota.
He kaha te whirinaki o ētahi whenua ki te pūngao karihi.
E kore e ora he aha i te pakanga karihi nui tonu.
[Ranginui] ing .
Te wāhanga pokapū o te pane o te unahiroa e noho mai ana ngā korakora tio, ngā haurehu kua whakatio.
Ka whakawairehu te karihi o te unahiroa hei whiore mōna i a ia ka tata ki te rā.
