hāhā1
1.
-nga -tanga
[Ranginui & Papatūānuku] āhua, ing, mahp .
E pārekareka ana (te hā o te kai, o te aha atu) ki te arero.
Ka kitea e ia te wai ka unu ia, ka kī, 'Hāhā mārika te reka o te wai nei.' (W 29)
Te kai hāhā rawa atu ko te wātakirihi me te wheua poaka kōhua!
reka
(2)
2.
-nga -tanga
[Tāwhirimātea] mahp, ing, āhua .
Kua kore (te whenua) e nohoia e te tangata, kua mahue ki muri.
Ka mutu te hui, ka hokihoki ngā tāngata, hāhā ana tērā te marae.
{
mōai , mōwai , rohai , tūhea }
3.
-nga -tanga
[Tāne] mahp, ing, āhua .
Ka rōnaki ki tētahi taha, kāore e poupou, e tūtika.
Kia hāhā ngā tara o te whare (W 29)
tītaha
(1)
4.
-nga -tanga
[Tāne] mahp, ing, āhua .
Ka whakatā i muri i tētahi mahi nui, i tētahi uauatanga rānei, kia tika rā anō te whakahā.
I te poupou tonu o te puke, he tūtū tonu tā mātou mahi ki te hāhā, ā, eke rawa ki te tihi.
5.
-ngia -tia -nga -tanga
[Tāne] mahp, ing, mahw, āhua .
Ka uaua te tā o te manawa.
Ka hāhā te manawa i te pāria anō e tana mate huangō.
{
ngāngā }
6.
-ngia -tia -nga -tanga
[Tūmatauenga] mahw, ing, āhua .
Ka hāparangi te waha ki te whakatūpato, ki te whakamataku.
Ka hāhāngia mai e te katoa, 'Kaua koe e haere atu ki reira, ka tapu koe i te nohoanga o Tangotango.' (N 43)
