wāhi1
1.
-a -nga
[Tūmatauenga] mahw, ing, āhua .
Ka paopao, ka tukituki rānei (i tētahi mea) kia pākarukaru rawa.
I wāhia e mātau te kēti maitai me tētahi wāhi rahi tonu o te taiapa maitai. (Te Haumihiata HP 207)
Ka tono atu kia hōmai he wai mōna, ka mauria atu te tahā, ka wāhia e ia. Ka riri ngā wāhine nei. (KRK 18)
{
pao 1 (3
) , wāwāhi }
2.
-a -ngia -nga
[Tūmatauenga] mahw, ing, āhua .
Ka mahi kia wehe tētahi wāhanga mai i tētahi pito ki tētahi.
Wāhia ana; ka pakaru; ko Matahōrua tētahi para, ko Aotea tētahi. (W 473)
Ko taua whenua ka wāhia kia toru wāhanga kia rite tahi te rahi. (WM 9, 2)
{
hōrepe , ihi 1 (1
) , korepa , korepe 1 (1
) , kōreparepa , kōreperepe , mākahi , pihi 2 , tiora 1 (1
) , toe , tore 2 (2
) , totoe , tītore , tīwara , tīwarawara , wāwāhi }
wāhi2
1.
[Ranginui & Papatūānuku] ing .
Tētahi wehenga ka oti mai ina wehea tētahi mea.
Māu tēnei wāhi o te mahi e whakaoti, māku tētahi rā.
wāhanga
2.
[Tāne] ing .
He hanga pērā i te pito whenua, i te whenua, i te whare, he wāhanga whāiti rānei o tētahi mea nui ake.
Ka mauria atu i te wāhi i tanumia tuatahitia ai, ka tanumia houtia i roto i ngā rohe o te pā tawhito. (WM 12, 20)
Ko te whare wānanga te wāhi i tūtaki ai māua.
Ko tēhea wāhi ōu e mamae ana, ko tō uma, ko tō puku rānei?
wāhi noho
[Papatūānuku] ing .
Te wāhi e noho ai te tangata.
Ko Poihākena tana wāhi noho mō te toru tekau tau, kātahi ka hoki mai ia ki te hau kāinga.
kāinga
(2)
wāhi noho
[Papatūānuku] ing .
Te tau o te whare, te ingoa o te huarahi, tae atu ki te ingoa o te tāone, o te takiwā rānei e noho ai te tangata.
Āta tuhia mai tō wāhi noho, kia pai ai taku tuku atu i ngā kōrero o te hui ki a koe.
kāinga
(2)
(kāinga noho)
wāhi noho
[Papatūānuku] ing .
Te kāinga māori o te tipu, o te kararehe rānei i te taiao.
E tino whakararua ana te wāhi noho e whānau hua ai te inanga, nā whai anō e ngaro nei i ētahi rohe.
{
kāinga , ripoinga }
wāhi tamomo
[Tāne] ing .
He wāhi ngohe, he arearenga kei waenganui i ngā poroiwi o te angaanga o te kōhungahunga whānau hou.
Ko te tikanga, kia rua ngā tau o te kōhungahunga, kua mārō pai te tumuaki, kua kati te wāhi tamomo.
3.
[Tūmatauenga] ing .
He taonga ka tukua, he kōrero ka whakapuakina, he waiata rānei ka waiatatia hei tohu ki ngā iwi e rata mai ana, e kimihia ana he āwhina i a rātou mō te haere ki tētahi pakanga.
tiwha
(4)
wāhi3
[Tāne] ing, mahw .
He takiwā e takoto ana ōna āhuatanga i rerekē ai, i motuhake ai, i noho wehe ai.
Ahakoa te tata o te kura tuarua tōtika mō tā rāua tama, kāore tō rātou kāinga i roto i te wāhi o taua kura.
