whānui1
1.
-tanga
[Tāne] āhua, ing, mahp .
E tawhiti ana mai i tētahi taha ki tētahi (o tētahi hanga).
He tino hōhonu te moana, he roa, he whānui hoki, e kaha ai te huna o ngā momo ika katoa. (Tki pū)
He pai ngā moenga whānui o ēnei rā - kāore e kōpā te takoto tahi ki tō hoa.
{
haunui 2 , takunui , whārahi , whārarahi }
2.
[Ranginui & Papatūānuku] āhua .
E tae atu ana, e tauawhi ana, e pā ana, e hāngai ana rānei ki te maha atu, ki te katoa rānei.
Waiho mā \Te Karere\ e pānui ki te iwi whānui.
Kei te mihi whānui atu ki ngā tāngata katoa nā rātou ētehi kōrero, ētehi whakaaro, ētehi tuhituhi rānei i tuku mai ki a au. (B ix)
He aha tēnei mea te Tiriti? Ko te tikanga ki te reo Māori he whakaaetanga i waenganui i ētahi iwi whai mana e rua, maha atu rānei, he whakaaetanga nā aua iwi ki ētahi tikanga whānui, e pā ana ki a rātou. (H 15)
{
whārahi }
3.
-tanga
[Tāne] āhua, ing, mahp .
E pā noa ana ki ngā āhuatanga matua, kaua ki ngā āhuatanga whāiti (o tētahi mea).
Kia tutuki i ahau te akoranga whānui mō te rorohiko, kātahi au ka ako i ngā mahi whakairoiro rorohiko.
He kōrero whānui noa i puta, kāore i āta kōrerotia ngā mahi i mahia.
4.
[Tāne] ing .
Te tawhiti mai i tētahi taha ki tētahi.
E ono mita te roa o te māra, e toru mita te whānui.
E rua mita me te hāwhe te teitei o te kūaha, kotahi mita te whānui.
{
hōkai , whārahi }
