amo1
1.
-hia -ngia -tanga -hanga
[Tūmatauenga] mahw, ing, āhua .
Ka kawe i runga i te pakihiwi.
He māmā ake te amo i te pēke raima tēnā i te hari noa i ō ringa.
2.
-hia -ngia -tanga -hanga
[Tūmatauenga] mahw, ing, āhua .
Ka hari haere (i te tangata, i te tūroro, i te tūpāpaku, i tētahi atu mea rānei) i runga i tētahi anga, i te nuinga o te wā mā ngā pakihiwi tonu e kawe.
Me amo ake te ariki, kia kore ai ōna waewae e pā ki a Papatūānuku.
{
kauhoa 1 (2
) , matatā , mātika }
3.
-hia -ngia -tanga -hanga
[Tūmatauenga] mahw, ing, āhua .
Ka rere whakamua ki te patu (i te hoariri).
Ka whakatata atu te taua ki te hoariri, kātahi ka puta te karanga, 'Amohia!' (Te Haumihiata)
huaki
(1)
4.
[Tāne] ing .
He taputapu hei kawe i te tangata, i te tūroro, i te tūpāpaku, i tētahi atu mea rānei.
I hangā e Kīngi Horomona he amo mōna, nō Repanona te rākau. (PT Hor 3.9)
Kei whea te amo hei hari i a Pita mai i te papa tākaro ki te waka tūroro?
{
kauamo , whataamo }
5.
[Tāne] ing .
Tētahi o ngā papa e rua e tū ana ki tēnā taha, ki tēnā taha o te wharenui, e toko ake ana i ngā maihi.
Ko te kuia karanga ki tētahi amo o te whare, ko te waha kōrero ki tētahi taha.
{
ama 2 , taumaihi , tautīaki , whakawai 2 (2
) }
6.
[Rongo] ing .
He tikanga e tukuna ai te kūmara ki te tohunga, ki te ariki, i te wā o te hauhake.
Ka haere te amo a Hotukura ki te ariki ki a Uenuku. (W 8)
amoamohanga
