He Pātaka Kupu

whai repo [Tangaroa] ing .
He ika tai neke atu i te 2 mita te tipu. Dasyatis brevicaudata

2. [Tangaroa] ing .
He ika tai e 45-80 henemita te tipu, inā te nui o ngā paihau, he tua pūtaratara tōna, he parauri, he tāingoingo kei runga, he horotea a raro, he tara kei tana hiku whānui . Raja nasuta { pakaura , uku ² (1 ) , waewae ² }

3. [Tangaroa] ing .
He ika tai 1.5-2 mita te whānui o te tipu, he kārikiuri, he parauri kiwikiwi, he pango rānei a runga, he mā a raro, he roa ake te hiku i te tinana, he wero taratara kei te hiku. Dasyatis thetidis { (whai repo ) }

whai repo [Tangaroa] ing .
He ika tai 1.5-2 mita te whānui o te tipu. Dasyatis thetidis

4. [Tūmatauenga] ing .
He momo tākaro e waihangatia ai ētahi āhua ki tētahi aho koru e mau ana ki ngā mati o ngā ringa e rua. Ko te Whai-Wawewawe-a-Māui te roanga atu o te ingoa o te whai. (Te Awanuiārangi Black) { huhu , hūhi ¹ (3 ) , mauī }

5. -nga [Tūmatauenga & Rongo] mahp, ing, āhua .
Ka tākaro i te whai . Kei te rēhia; e teka ana, e kū ana, e whai ana. (W 484)

whai keo [Tangaroa] ing .
He ika tai 60-100 henemita te whānui. Myliobatis tenuicaudatus
(whai repo)

whai repo [Tangaroa] ing .
He ika tai 60-100 henemita te whānui, he taimana papatahi te hanga, he kākāriki kiwikiwi a runga o ngā paihau nui, he kōwhai mā a raro, kei raro ngā pihapiha, he urutira iti kei te pūtake o te hiku hīroki, he wero taratara kei muri i te urutira. Myliobatis tenuicaudatus { (whai keo ) }

whai²

1. -nga [Tāne] mahp, ing, āhua .
Kua whiwhi (te tangata, te aha atu) i tētahi mea, kua noho mai ki a ia tētahi mea. Ka whai ringaringa, ka whai waewae, ka tupu au he tangata. (W 484) Kāore anō rāua kia whai tamariki - koinei rāua e whakapuhi nei i tā rāua kurī. Ahakoa he noho whawhai tonu tana mahi, i whai tāima tonu ia ki te purei whutupaoro. (TTR 4, 123) Nā te tangata whai whakaaro ētahi o ngā reta, otirā ko ētahi he mea tuhituhi noa e te tangata e hiahia ana kia kite i tōna ingoa kua oti te tā i roto i te nūpepa. (TKP 1, 20)

2. -nga [Tāne] mahp, ing, āhua .
Ka huri hei mea kē, ka huri rānei te āhua o tētahi mea kia riro i a ia ngā āhuatanga o tētahi mea kē atu. Nā tōku tipuna au i awhi, ā, whai tangata ana ahau. (W 484) I konā ka whai manu a Māui, arā, ka whakakūkupa i a ia.

3. [Papatūānuku] āhua .
Kua pūmau te noho ki tētahi whenua, ki tētahi wāhi. Ko ngā raruraru nunui i ūwhia ki runga i te Māori i muri mai i te hainatanga o te Tiriti o Waitangi i te tau 1840, ko te minamina o ngā tāngata whai kua kaha haere nei te taetae mai kia rahi ake te whenua e riro i a rātou. (TTR 2, 131)

whai³

1. whāia whāinga [Tāwhirimātea] mahw, ing, āhua .
Ka haere atu i muri (i tētahi atu, i tētahi mea), ka ū (ki tētahi ara, ki tētahi tikanga). Kore rawa i wehi te wahine, haere tonu atu ki roto i te whare, ka whai atu hoki te tāne, te urunga atu anō o te tāne, ka rakaina ngā tatau o te whare. (HTK 1, 17) Me whai koe i te awa ā tae rawa ki te moana. Kaua e whāia ngā kupu Pākehā, ki te pērā ka hē. { aru , tauaru }

2. whāia whāinga [Tāwhirimātea] mahw, ing, āhua .
Ka oma, ka haere rānei (i muri i tētahi tangata, tētahi kararehe, tētahi mea), ka ngana kia mau, kia tutuki. Kotahi hāora te poaka e whāia ana, kātahi anō ka mau. Kia kaha tātou ki te whai i te mātauranga. { aru , aruaru , rangahau , whaiwhai }

3. whāia whāinga [Tūmatauenga] mahw, ing, āhua .
Ka haere ki te kimi (i tētahi mea). Kua riro ki uta ki te whai kai. (W 484)
whakataki (1)

4. whāia whāinga [Tāne] mahw, ing, āhua .
Ka whai kia tupu ake te pīrangi, te aroha o tētahi atu ki a koe. He whai tā Tuka i a Te Kahu hei wahine māna. (W 484)
whakaipo (3)

5. whāia whāinga [Tūmatauenga] mahw, ing, āhua .
Ka whakahaere karakia. Haere mai ki runga ki tōku waka ki te whai ake i te kawa o te waka nei. (W 484)

6. whāia whāinga [Tūmatauenga] mahw, ing, āhua .
Ka mahi te ringa ki te tango ake, ki te pupuri rānei (i tētahi mea). Ka whai ia i ngā iwi o te hākoro, ka puta ki waho. (W 484)
mau ¹ (2)

7. [Tāne] ing .
He karakia hei whakaora i te hunga taotū, i te hunga whara. He whai mō te tangata wera i te ahi kia mahu ai. (W 484)