tāruru1
1.
-a -tia -nga -tanga
[Tūmatauenga] mahw, ing, āhua .
Ka kukume i ngā whakaaro o tētahi atu, e whakaaro ai ia he ātaahua, he rawe, he pārekareka rānei tētahi āhuatanga kāore pea i pai, i tika, me tana hiahia whāwhā atu i taua mea.
Kei tārurua koe e ngā kōrero a tama arero hiriwa.
whakawai
1
(5)
2.
-a -tia -nga -tanga
[Tūmatauenga] mahw, ing, āhua .
Ka kukume ake i tētahi atu ki te mahi i tētahi mahi mā te whakaoho i te tūmanako, i te hiahia.
Ka purua atu he mīti ki roto i te tāruke hei tāruru i te kōura kia tomo ki roto. (W.393)
whakawai
1
(4)
3.
-a -tia -nga -tanga
[Tūmatauenga] mahw, ing, āhua .
Ka rūrū tahi, ka mukumuku tahi rānei i ētahi mea.
Tārurutia ngā rīwai nā kia ngahoro te ngārehu. (W 393)
Tārurutia te puehu parāoa me te pata kia mōhungahunga rawa.
{
pārūrū 2 }
4.
[Tangaroa] ing .
He mōunu ka tukua ki roto i te wai kia hui mai ai ngā ika.
tāruru2
1.
-tanga
[Ranginui & Papatūānuku] mahp, ing, āhua, tūkē .
Ka piri tata, tētahi ki tētahi.
Me tiriwā kē te taewa - kaua e onokia kia tāruru rawa tētahi ki tētahi.
pūputu
(1)
2.
[Tāne] ing .
He kohinga, nō te momo kotahi, nō te karangatanga kotahi rānei ngā mea o roto.
He hīti katoa tētahi tāruru, he taora katoa tētahi. (Te Awanuiärangi Black)
He taonga kirihou kei tētahi tāruru, he taonga maitai kei tētahi.
3.
[Tāne] ing .
He kāhui waka ka rere tahi, ka hoe tahi.
Mārama tonu te takoto o ngā kōrero a Takaanui, kāre kau ngā waka i haere 'tāruru' mai i Hawaiki, engari he wehe takirua, takitoru kē tō rātau wehenga mai. (TTR 3, 198)
{
kaupapa }
