kia1
1.
[Tāne] pma .
Ina tū i mua i te tūāhua, i ngā tūmahi 'wheako' pērā i te 'maumahara' me te 'mōhio', me ētahi atu kupu, he whakahau te mahi.
Kia tika tō mahi, e hoa.
Kia tūpato, kei ngaua koe.
Kia mōhio noa mai koe, ehara i a au.
A, ko taua tangata me whiu ki te moni, kia kaua e iti iho i te rima hereni, kia kaua e neke atu i te kotahi pāuna mō te hara tuatahi. (PH 4, 18)
Kia hia ngā hēki?
Kia hia ngā hēki?
2.
[Tāne] pma .
Ina tū i mua i te tūmahi, i te tūāhua, i te kupu 'kore' rānei, ā, ko te 'ai' te kupu ka whai ake, e tohu ana i te take i whāia ai, e whāia ai rānei tētahi mahi.
Ka mahia he awakeri kia rere ai te wai.
Ka kuhuna atu te harakeke ki te paru kia pāpango ai.
Me whakawera ngā oko kia kore ai e tere mātao ngā kai o roto.
3.
[Tāne] pma .
E tohu ana i te hua me puta, ka puta rānei.
E hiahia ana ia kia oti katoa ngā mahi i mua i te Paraire
Ka whakahautia ngā tamariki kia taki hoki ki rō whare.
E tika ana anō kia whakapaingia ngā kai.
Kātahi ka mahara kia tango māminga ia i taua kāinga. (W 116)
Kua waiho te kūaha kia tuwhera ana.
Kua waiho te kūaha kia tuwhera ana.
Ka whakamahia ngā ākonga kia tū ki te kōrero.
4.
[Tāne] pma .
E tohu ana hei te ekenga rā anō o te āhuatanga ka whakahuatia i muri tonu mai, kātahi anō ka haere ko tētahi atu.
Kia mao te ua, ka haere tātou ki te tiki wahie.
Me tatari kia karangatia tō ingoa, kātahi ka haere atu.
5.
[Tāne] pma .
Ka mahi tahi ki ngā kupu pērā i te 'kāore' hei whakakāhore i ngā rerenga tīmata ki te kupu 'kua', me ētahi atu.
Kāore anō te manuhiri kia tae mai. Hei te whā karaka rā anō pea tae mai ai.
Kāhore kia pō rua. (W 116)
Kāhore kia kitea e au. (W 116)
Kātahi ka puhipuhia e te tangata rā ana ngeru, kore kia kotahi he mea i waiho. (PH 6, 16)
6.
[Tāne] pma .
He wā anō he whakakaha, hei whakaū tāna i te pai, i te kino o tētahi mea.
Kia pai mai hoki te rangi nei!
Kia nui mai te mōmona o ngā kina!
Kia kawa te kai nei!
kia2
[Tāne] ing .
He manu āhua nui tonu noho maunga.
Nestor notabilis
kea
1
kia3
[Rongo] ing .
He hue pakari kua oti te karu te tango ake, whakamahia nuitia ai hei kawe wai.
tahā
