kawa1
1.
-nga
[Tāne] āhua, ing, mahp .
E ngau ana ki te arero, pēnei i te wai o te pūhā mata.
Mā te whiore poaka rawa e reka ai te pūhā kawa.
{
kakati , pāhare , pūkawa 1 (1
) }
2.
-nga
[Tāne] āhua, ing, mahp .
E ngau ana ki te arero, pērā i te rēmana.
Kua mimingo te kanohi i te kawa o tana paramu.
{
hīmoemoe , kakati , moemoe , māī 1 (3
) }
3.
-nga
[Tūmatauenga] āhua, ing, mahp .
E whakangungua ana e ngā karakia o te kawa.
Ko tō rātou waka, he waka kawa, e kore e tahuri, e totohu. (W.109)
4.
-ia -nga
[Tāne] mahw, ing, āhua .
Ka whakatapu, ka whakanoa rānei i tētahi mea ki ngā whakahaere o te kawa.
Kia kawaia e ia te ingoa o tō waka. (W 110)
5.
-ina -nga
[Tūmatauenga] mahw, ing, mahp, āhua .
Ka whakahaere i ngā karakia me ngā tikanga e tika ana mō te whakatuwhera whare hou, mō te waka hou, mō te whānautanga mai o te tamaiti, mō te pakanga, te aha atu, te aha atu.
Ka kawa i tō rātou whare kia noa.
Hei te 29 o ngā rā o Māehe 1901 ka kawangia te whare karakia o Te Muriwai, wāhi o Tūranganui. (Pi 32, wh12)
6.
[Tāne] ing .
He rākau e 6 mita te tipu.
Macropiper excelsum
kawakawa
1
(1)
7.
[Tāne] ing .
He tā rākau, he māhuri rānei ka hūtia ake i te whenua ka puritia i te ringa i ētahi karakia.
Ko te kawa o Korokino, koia te rākau tōtara e tū i te pā. (W 109)
{
kakawa 2 }
8.
[Tūmatauenga] ing .
Ngā tikanga whakahaere o runga i te marae, o te whare tupuna hoki ina whakaeke he manuhiri; ngā tikanga pūmau, tapu hoki hei whakahaere i ētahi atu āhuatanga o te ao Māori.
Ko te kawa whaikōrero o Te Whānau-a-Apanui he pāeke. (Wh 46, 3)
Ko te kawa o Tainui he tau whakautuutu, tū atu tū mai. (Wh 46, 2)
Kia noho ki runga i te marae, ka taka katoa ōna āhuatanga ki raro i te kawa . . . mō te marae. Kei raro i tēnei o ngā kaupapa, e rārangi ana ngā tikanga mō te tū a te wahine, me te tū a te tāne. Kei tua atu ko ngā tikanga mō te whaikōrero, mō te hari waiata, mō te tū ki te haka. (Wh 46, 5)
I kī ake i te tīmatanga rā, huhua ngā kawa. Ko te kawa mō te wānanga ko te kawa tuangahuru mā tahi. Ka puta tēnei mō ngā hunga ka tohia mō ngā mahi wānanga. (Wh 46, 5)
Ki te hapa te tikanga ka whiua koe e te tangata. Ki te hapa te kawa, ka whiua koe e ngā atua.
Ki te hapa te tikanga ka whiua koe e te tangata. Ki te hapa te kawa, ka whiua koe e ngā atua.
tā i te kawa
[Tūmatauenga] kīa .
Ka whakahaere i te karakia hiki tapu mō te whare hou, te waka hou me ētahi atu mea pēnei, ka whakapā hoki i te rau kawakawa ki te mea e karakiatia ana.
Ko ia tētahi o ngā tohunga i tonoa kia haere ki te tā i te kawa o Rauru, he whare whakairo i Te Whakarewarewa. (TTR 2, 90)
9.
[Tāne] ing .
He karakia, he tikanga, ka whakahaeretia mō te tomo whare hou, mō te waka hou, mō te whānau tamariki, mō te pakanga me ētahi atu kaupapa.
Ko Puhi he kawa mō te riri, he kawa tapu; ko Hangaroa he kawa mō te riri, engari he kawa noa. (W 109)
kawa2
1.
[Papatūānuku] ing .
Ētahi mea kua whakawhāitihia mai ki tētahi wāhi kia puke iti te noho mai.
He kawa kōhatu e tohu ana i te wāhi i tanumia ai ia.
haupū
(3)
2.
[Papatūānuku] ing .
He ara i waenganui i ētahi toka, i ētahi tāhuna rānei, e takoto ana, e rere ana te wai.
Kia tūpato i ngā toka e tū mai rā i te wahapū, ka haere mā waenganui, mā te kawa tonu.
kawa3
[Tāne] ing .
Te tangata whakamutunga o tētahi iwi e ora tonu ana.
Ko ia te kawa - kia mate atu ia, kua whare ngaro.
kawa4
-hia -ngia -nga
[Tūmatauenga] mahw, ing, āhua .
Ka hopu ki te ringa, ki ngā matihao rānei, ka pupuri kia mau.
E kawa ana i te ringa o tana kōtiro kia kore ai ia e kahakina atu e te tai.
kapokapo
(1)
