Ati hoki1
[Tāne] kīw .
He whakautu e tino whakaae ana ki te pātai, oti atu.
'Ati hoki, i tū ngā kōhanga reo, ka whai mai ko ngā kura kaupapa'.
hoki1
1.
-a -nga -tanga
[Tāwhirimātea] mahp, ing, mahw, āhua .
Ka haere (tētahi tangata, tētahi hanga rānei) ki te wāhi, ki te kaupapa, ki te āhuatanga rānei i reira ia i mua.
Ka hoki ia ki te wā kāinga ki te kite i tana kuia.
Kua hoki anō ia ki ana mahi petipeti.
Ka aroha anō a Kiri - kua hoki mai tana mate pukupuku.
Ka hoki ngā mahara o Pita ki ērā kai, ngā parāoa i tunua e tōna whaea, me ngā tāmure nunui nā rātau i hī mai i te moana. (Wh 49, 5)
Mawhiti te weka i te māhanga, e hokia anō? (Pi 56, wh8)
Mawhiti te weka i te māhanga, e hokia anō? (Pi 56, wh8)
2.
[Tāne] ing .
He karakia whakaora, arā, mō te haumanu tūroro, mō te māra kōaro, me ētahi mea.
Takina te hoki kia ora ai tā tāua tūroro nei.
hoki2
1.
[Tāne] tūkē .
E tohu ana ko te mea e whakahuatia ana i mua tonu, i ngā taha e rua rānei o te kupu nei, he tāpiritanga ki te whakaaro kua whakahuatia i mua tata atu.
Tētahi tikanga, he kai tapu mō te tūātanga tamariki, mō te hahunga tūpāpaku hoki. (NM4 303, Kwh)
Nā T. W. Downes i kohikohi ngā kupu, i tuku hoki ki a Te Pēhi rāua ko Te Mete. (NM4 302, Kwh)
Kei te tata tonu rā te kupu ki a koe, kei roto i tōu waha, kei roto hoki i tōu ngākau. (PT Tiu 30.14)
2.
[Tāne] thu .
He kupu whakakaha ake, whakaū i tētahi whakaaro kātahi tonu nei ka puta.
Tō mōhio hoki!
A: Mōhio koe, he tino matapiko a Rangi. K: Āe rā hoki!
A: Ko wai ia nei tana ingoa? K: Aua hoki!
A: Ko wai tērā e hāparangi mai rā, ko Kiri? K: Ko wai atu hoki!
hoki3
[Tangaroa] ing .
He ika tai e 60-120 henemita te tipu, he nui ōna karu me tōna waha, he tinana kōekoeko tōna, he koi te hiku, he kānapanapa a runga, he hiriwa ngā kaokao me te puku.
Macruronus novaezelandiae
