Clear Search
E whai ake nei ngā putunga o te kupu: pukana

pūkana1

1. -hia, -tia -tanga [Tūmatauenga] mahp, ing, āhua.
Ka titiro hāngai tonu ki tētahi atu me te whakarahi i ngā whatu. Ngā pou o ngā pā, he mea whakairo, hei māhunga tangata e pūkana ana, e whakatete ana ki te hoariri. (TT 52, wh331) { kana , kanae , kanakana , putē , whetē , whētētē }

2. -tanga [Tūmatauenga] mahp, ing, āhua.
Ka whakarahi i ngā karu, ka whātero te arero, ka whakakotiti i te kanohi i runga i te ihi, te wana, te riri, te whakatoi, te ngahau, te aha atu. Ka tapatapahia ngā pongaponga o te māhunga; ka tapahi, ka mutu, ka haere mai ki kō mai pūkana ai. (TKP 1, 17) Kātahi tērā ka huri mai ki te pūkana mai ki ōna hoa, mō te nui o te rāpeti i kitea e ia, huri rawa ake te tangata nei kua mate katoa i tētahi o rātau. (PH 3, 17) { moteko , ngangahu , pōtētē , tahu4 , tāpahi , whakahamero , whakamenemene , whakamoteko , whakatekoteko , whakatoretore , whāita , whāitaita , whākana }


Taupānga


Mā tēnei taupānga ka taea ngā kupu o He Pātaka Kupu nei te kimi

īWaea / īPapa / Android


He Pātaka Kupu


Kua eke tēnei ki te wā e riro ai mā te reo Māori tonu e whakaahua tōna ao, me tāna titiro ki tōna ao. Koia tēnei, ko He Pātaka Kupu, te papakupu Māori tuatahi mā te hunga kua mārō haere te takahi i te huarahi whai i te reo, ko ōna kōrero katoa kei tō tātou reo rangatira.